About

എല്ലാ പ്രിയപ്പെട്ട മലയാളികൾക്കും മലയാളത്തെ സ്നേഹിക്കുന്നവർക്കും ലൈഫ്മലയാളം ഓൺലൈൻ പ്രസിദ്ധീകരണത്തിലേക്ക് സ്വാഗതം. ഇങ്ങനെ ഒരു സംരംഭത്തെക്കുറിച്ച് ആശയം ഉദിച്ചപ്പോൾ തന്നെ ഞങ്ങളുടെ മനസ്സിൽ ഉറപ്പിച്ച ഒരു കാര്യമുണ്ടായിരുന്നു. ഇതിൽ പ്രസിദ്ധീകരിക്കുന്ന എല്ലാ കാര്യങ്ങളും ഓരോ മലയാളിയുടെയും ജീവിതത്തോടോ ജീവിത സാഹചര്യങ്ങളോടോ ചേർന്നുനിൽക്കുന്ന തായിരിക്കണം എന്നതാണ്.

നമ്മുടെ നിത്യ  ജീവിതത്തിൽ നമുക്ക് വ്യത്യസ്തങ്ങളായ നിരവധി സാഹചര്യങ്ങളിലൂടെ കടന്നു പോകേണ്ടിവരും. ഇതുമായി ബന്ധപ്പെട്ട് നിരവധി സംശയങ്ങളും  ആശങ്കകളും നമുക്കുണ്ടാകാനിടയുണ്ട്. ചില കുഞ്ഞുകുഞ്ഞ് അറിവുകളാണ് ഈ സാഹചര്യങ്ങളിൽ നമ്മെ സഹായിക്കുന്നത്. ഇത് എപ്പോഴും നമുക്ക് പ്രാപ്തമാണോ? ഇല്ല എന്ന് തന്നെയായിരിക്കും ഭൂരിഭാഗം പേരുടെയും ഉത്തരം. ഇത്തരം അറിവുകളുടെ ലഭ്യത ഇല്ലായ്മയോ നമ്മുടെ ചെറിയ മറവികളോ ആയിരിക്കാം ഇതിനുള്ള കാരണങ്ങൾ. ഇവിടെയാണ് ലൈഫ്മലയാളത്തിന്റെ പ്രസക്തി. നമ്മൾ നിരന്തരം അഭിമുഖീകരിക്കുന്നതും യാദൃശ്ചികമായി വന്നു ചേരുന്നതുമായ ജീവിതസാഹചര്യങ്ങൾ ഉൾപ്പെടുന്ന വിഷയങ്ങൾ വളരെ ലളിതമായി ഏവർക്കും മനസ്സിലാകുന്ന തരത്തിൽ നമ്മുടെ മാതൃഭാഷയിലൂടെ ലൈഫ്മലയാളത്തിൽ അവതരിപ്പിക്കുന്നു. 

നമ്മൾ ഇന്നു കാണുന്ന മലയാളം വെബ്സൈറ്റുകൾ   ഭൂരിഭാഗവും വിനോദത്തിനോ പൊള്ളയായ വാർത്തകൾക്കോ ആണ് കൂടുതൽ പ്രാധാന്യം നൽകി കാണുന്നത്. ഈ അവസ്ഥയിൽനിന്ന് മാറ്റം വേണമെന്ന് നിങ്ങളും ആഗ്രഹിക്കുന്നില്ല? മലയാളികൾ ആഗ്രഹിക്കുന്ന ശരിയായ അറിവുകൾ നമ്മുടെ സ്വന്തം ഭാഷയിൽ  നമുക്ക് കണ്ടെത്താൻ കഴിയണം. ഇങ്ങനെ നേടുന്ന നല്ല അറിവുകൾ നമുക്ക് മറ്റുള്ളവരുമായി ഷെയർ ചെയ്യാനും സാധിക്കണം. ഈ ലക്ഷ്യം കൂടി മുൻനിർത്തിയാണ് ലൈഫ് മലയാളം ആരംഭിച്ചത്.  ഓരോ വിഷയത്തെക്കുറിച്ചും പുതിയതും പഴയതുമായ വിവരങ്ങളെല്ലാം തന്നെ ഇതിൽ ക്രോഡീകരിക്കുന്നുണ്ട്. വിനോദത്തേക്കാളുപരി വിജ്ഞാനത്തിന് പ്രാധാന്യം നൽകിക്കൊണ്ട് നിങ്ങളുടെ ജീവിതവുമായി ലൈഫ് മലയാളം ചേർ ന്നു നിൽക്കുമെന്ന്  പ്രതീക്ഷിക്കുന്നു.

ലൈഫ് മലയാളത്തിന്റെ മുന്നോട്ടുള്ള വളർച്ചയിൽ നിങ്ങൾ ഓരോരുത്തരുടെയും  വിലയേറിയ പിന്തുണ വളരെ അത്യാവശ്യമാണ്. നിങ്ങളുടെ അഭിപ്രായങ്ങൾ അത് നല്ലതായാലും ചീത്തയായാലും ദയവായി ഞങ്ങളെ അറിയിക്കുക. ഇതിൽ ഉൾപ്പെടുന്ന വിഷയങ്ങൾ എല്ലാം തന്നെ വായനക്കാരായ പ്രിയപ്പെട്ട മലയാളികൾക്കു പ്രയോജനപ്രദമാകും എന്ന വിശ്വാസത്തോടെ ലൈഫ്മലയാളം.